ریاست اترپردیش کے ضلع امروہہ میں کورونا وائرس اور لاک ڈاون کی وجہ سے اسکولز اور کالجز مکمل طور پر بند کر دیے گئے تھے۔ لیکن اب انلاک میں جاری کردہ گائیڈلائن کے تحت، نویں جماعت سے بارہویں جماعت کے طلبا کو ایک بار پھر اسکول آنے کی اجازت دی گئی ہے۔
اسکول کا عملہ اور طلبا اس کو لیکر بہت پرجوش ہیں۔ اسکول کے اساتذہ نے بتایا کہ اسکول آنے سے قبل طلباء کو ہاتھ صاف کرنے کے ساتھ ساتھ ماسک لگانے، سینیٹائیزیشن کرنے اور معاشرتی فاصلے کے ساتھ کلاس روم میں بیٹھنے کو کہا گیا ہے۔
یہ بھی پڑھیں: میرٹھ: احتیاطی تدابیر کے ساتھ اسکول اور مدارس جاری
ساتھ ہی سبھی طلبا کے لیے ماسک لگانا ضروری قرار دیا گیا ہے۔ انہوں نے بتایا کہ اسکول آنے والے بچے تعلیم کے حوالے سے بہت پرجوش ہیں۔
کالج آنے والے طلبا نے گفتگو کرتے ہوئے کہا کہ لاک ڈاؤن اور کورونا وائرس کی وجہ سے وہ گھر میں آن لائن تعلیم حاصل کر رہے تھے۔ لیکن اب پھر سے اسکول آنے کی اجازت مل گئی ہے جس وجہ سے وہ بہت خوش ہیں اور اب وہ اپنی کلاس باقاعدگی سے لے سکیں گے۔
