مظفر نگر: پٹرول پمپ پر ڈکیتی

ضلع مظفر نگر میں پیٹرول پمپ پر ڈکیتی کی وجہ سے علاقے میں سنسنی پھیل گئی ہے، جائے وقوع پر پولیس اہلکار تفتیش میں سرگرم ہے۔

ریاست اترپردیش کے ضلع مظفر نگر میں مشہور ٹرانسپورٹر کے پیٹرول پمپ پر ڈکیتی کی وجہ سے علاقے میں سنسنی پھیل گئی ہے۔

یہ واردات ضلع کے بوپہ روڈ ایس ڈی ڈگری کالج کے پاس واقع پیٹرول پمپ پر انجام دی گئی ہے۔ ڈکیتی کی اطلاع ملتے ہی ایس پی سٹی سمیت پولیس فورس نے موقع پر پہنچ کر تفتیش شروع کر دی ہے۔

بتایا جا رہا کہ ایک موٹرسائیکل پر سوار دو بدمعاش پیٹرول پمپ پر آئے اور بندوق کی نوک پر آفس سے ایک لاکھ 95 ہزار روپے نقد لوٹ لیے۔

واضح رہے کہ پیٹرول پمپ پر چاروں جانب سی سی ٹی وی کیمرے لگے ہوئے ہیں جس کی وجہ سے بدمعاشوں کی تصاویر کیمرے میں قید ہو گئی ہیں۔