ریاست اترپردیش کے ضلع میرٹھ کے تھانہ لساڑی گیٹ علاقے کے رہنے والے صادق گذشتہ پانچ دن پہلے اپنے دوستوں کے ساتھ گھر سے باہر گئے تھے اور تبھی سے اس کی تلاش کی جارہی تھی۔
رات میرٹھ کے تھانہ میڈیکل علاقے کے ایک ہوٹل سے صادق کے گھر والوں کو صادق کی طبیعت خراب ہونے کی اطلاع ملتی ہے۔ جب گھر والے ہوٹل پہنچے تو دیکھا کہ اس کی موت ہوچکی ہے۔
یہ بھی پڑھین: بنارس: کورونا ویکسین کے ڈمی ڈرائی رن کی تیاریاں نامکمل
صادق کے گھر والوں کا الزام ہے کہ صادق کو اس کا دوست اور ایک کنر گھر سے بلا کر لے گئے تھے۔ ان لوگوں نے اس کا گلا دبا کر قتل کیا ہے۔ پولیس نے دو لوگوں کو گرفتار تو کیا ہے لیکن ابھی وہ اس پورے معاملے کی تحقیقات کر رہے ہیں اور جلد از جلد اصل مجرم کو پکڑنے کا دعوٰی بھی کر رہے ہیں۔
نوجوان صادق کی لاش ملنے کے بعد اس کے گھر اور محلہ میں غم کا ماحول ہے۔ سبھی لوگ کنر اور اس کے دوست کو ہی قصوروار ٹہرا رہے ہیں۔ اب دیکھنا یہ ہوگا کہ پولیس اس معاملے میں کیا خلاصہ کرتی ہے۔
