موصولہ اطلاعات کے مطابق تھانہ منڈی علاقہ میں باپ بیٹی کی لاشیں ملنے سے علاقہ میں سنسنی پھیل گئی اطلاع ملتے ہی پولیس موقع پر پہنچی۔ پولیس نے پھندے پر لٹکی ایک شخص کی لاش کو نیچے اتارا جبکہ پاس ہی میں تین سالہ بچی کی لاش بھی پڑی ملی۔
فارینسک ٹیم کو بھی موقع پر بلایا گیا اس نے نمونے لئے۔ جبکہ اہل خانہ کا کہنا تھا کہ دونوں کے ہاتھ بندھے ہوئے تھے، انہوں نے خودکشی نہیں کی ہے بلکہ ان کا قتل کیا گیا ہے۔
پولیس نے اس معاملے کی تفتیش شروع کر دی ہے اس سلسلے میں ایس پی سٹی ونت بھٹناگر نے بتایا کہ تھانہ منڈی علاقہ میں ایک مکان سے دو لاشیں برآمد ہوئی ہیں، جس میں ایک لاش پھانسی کے پھندے پر لٹکی ہوئی ملی جبکہ بچی کی لاش نیچے پڑی ہوئی ملی ہے، پولیس نے دونوں لاشوں کو قبضہ میں لیکر پوسٹ مارٹم کے لئے بھیج دیا ہے۔ پوسٹ مارٹم رپورٹ آنے کے بعد آگے کی کارروائی کی جائے گی۔
