جمع کے روز وزیراعلی یوگی ادتیہ ناتھ نے کورونا وائرس کے سلسلے میں ایک اجلاس منعقد کیا، اس میں سینیئر افسران بھی موجود رہے۔ اتر پردیش حکومت نے اس وائرس کو وبا قرار دیا۔
حکومت نے فیصلہ کیا ہے کہ پرائمری، بیسک، سکنڈری، ہائیر اور تنکنیکی تعلیم کے تمام اسکول اور کالجوں کو بند رکھا جائیگا۔ اتر پردیش کے میڈیکل کالج میں ایم بی بی ایس تک کی کلاس بند کی گئی ہیں۔ حالانکہ، اگر کسی اسکول یا کالج میں امتحانات چل رہے ہیں تو انہیں منسوخ نہیں کیا جائے گا، لیکن اگر کسی اسکول-کالج میں امتحانات شرو نہیں ہوئے ہیں تو انہیں بند کیا گیا ہے۔
کورونا کے خطرے کو دیکھتے ہوئے لکھنؤ کا جی ڈی گوئنکا اسکول 31 مارچ تک بند رہے گا، ساتھ ہیں تمام امتحانات بھی منسوخ کیے جائیں گے۔
اجلاس کے بعد جانکاری دیتے ہوئے وزیر اعلی یوگی ادتیہ ناتھ نے کہا کہ ریاست کے 75 اضلاع میں آئیسولیشن وارڈ بنایا گیا ہے، جن میں ضلع ستح پر 800 بیڑ ہیں۔ 24 میڈیکل کالج میں بھی 448 بیڈ لگائے گئے ہیں۔ کئی ڈاکٹرز کو اس کے لیے ٹرین کیا گیا ہے۔
