بہرائچ: کورونا وائرس کے سبب ملک میں لاک ڈاؤن جاری ہے۔ حکومت بھی اس وبا کو روکنے کے لئے کئی طرح کے اقدامات کر رہی ہے پھر بھی ریاست میں کورونا کے کیسز میں مسلسل اضافہ ہو رہا ہے۔
اس دوران آج اے آئی ایم آئی ایم کے عہدیداروں کے جانب سے بہرائچ کے دیگر علاقے میں سینیٹائزر کا چھڑکاؤ کیا گیا،اور گاؤں والوں کو کورونا سے محفوظ رہنے کی ہدایت بھی دی گئی۔
اس تعلق سے اے آئی ایم آئی ایم کے رہنما رئیس احمد سے پوچھے جانے پر انہوں نے بتایا کہ 'ملک کے مختلف ریاستوں سے نقل مکانی کرکے سیکڑوں مزدور اتر پردیش کے مختلف علاقوں میں لوٹتے ہیں۔ ان مزدوروں کے پریشانیوں کو بانٹنے کی ایک چھوٹی سی کوشش کی گئی ہے۔
واضح رہے کہ رئیس احمد کی سربراہی میں جمعرات کے روز قیصرگنج تھانہ علاقے کے تمام گائوں کو سینٹائز کیا گیا، اور لوگوں کو تمام طرح کی مدد کی یقین دہانی کرائی گئی ۔
