ریاست اتر پردیش کے بارہ بنکی میں ہفتہ کے روز سابق وزیراعلیٰ اور سماجوادی پارٹی کے قومی صدر اکھلیش یادو کے پروگرام کے دوران ریلی میں آئے پارٹی کارکنان اور رہنماؤں نے حکومتی روڈویز بس اسٹاپ پر جبراً اپنی گاڑیاں پارک کر دی۔
دراصل بس اسٹاپ کے قریب سابق مرکزی وزیر مرحوم بینی پرساد ورما کے مجسمے کی نقاب کشائی کا پروگرام تھا۔ اس پروگرام میں اکھلیش یادو کو بھی شرکت کرنا تھا۔ بس اسٹاپ مجسمے کے قریب ہونے کی وجہ سے کارکنان نے وہیں گاڑی پارک کرنا شروع کر دیا۔
بتایا جاتا ہے کہ روڈویز انتظامیہ کے منع کرنے کے باوجود سماجوادی پارٹی کارکنان گاڑی وہیں پارک کرنے لگے۔
یہ بھی پڑھیں: 'مرکز نظام الدین اور تبلیغی جماعت کے اراکین کو بدنام کرنے کی منظم کوششیں ناکام ہوئیں'
واضح رہے کہ روڈویز بس اسٹاپ ایک عوامی جگہ ہے، کارکنان کی گاڑی پارک ہونے کی وجہ سے عوام کو پریشانیوں کا سامنا کرنا پڑا۔ روڈویز انتظامیہ اس معاملے کی شکایت بھی کی ہے لیکن ابھی تک گاڑی پارک کرنے والوں کے خلاف کوئی کارروائی نہیں کی گئی ہے۔
