اترپردیش کے ضلع مظفر نگر میں سماج وادی پارٹی کے کارکنوں نے مہاویر چوک پر واقع اپنے دفتر کےپاس حکومت مخالف پالیسیز کے خلاف احتجاجی مظاہرہ کیا۔ اور ملک کے صدرجمہوریہ کے نام سٹی مجسٹریٹ کو ایک میمورینڈم دیا۔
انھوں نےکہا کہ جب سے اتر پردیش میں بی جے پی کی حکومت تشکیل پائی ہے۔ اتر پردیش کے نوجوان کسان پسماندہ دلت چھوٹے کاروباری مزدور خواتین کےساتھ ناانصافی ہو رہی ہے اور انھیں ہراساں کیا جارہا ہے۔ انھوں نے کہا طلباء اور والدین کو بھاری فیسز لیکرلوٹا جارہا ہے۔
سماج وادی پارٹی رہنمانے کہا ریاست کے تقریبا دو کروڑ مزدور بے روزگار ہوچکے ہیں ، بہت سے دیگر ریاستوں سے آنے والے لاک ڈاؤن کے دوران فوت ہوگئے ہیں ، لیکن ریاستی حکومت نے ان کے روزگار کے لئے کوئی انتظام نہیں کیا ۔کسانوں اور دیہاتیوں کے بجلی کے بل بڑھادئے گئے ہیں۔کیمیکل کھاد اور کیڑے مار دوا مہنگی کردی گئی ۔ ڈیزل پٹرول ، ایل پی جی کی قیمتیں آسمان کو چھو رہی ہے۔
کاشتکاروں کی پیداوار کی قیمتوں میں اضافہ نہیں کیا گیا ہے ۔گنے کا نیا موسم ہے۔ گنے کی پرانی ادائیگی کسانوں کو نہیں کی گئی ہے، دلت پسماندہ طلباء کے وظیفے کو منصوبہ بند طریقے سے ختم کیا جارہا ہے۔ اس طرح یہ حکومت پسماندہ طبقات کو کمزور کرنے کا کام کررہی ہے۔
یہ بھی پڑھیں:کانپور میں آن لائن جسم فروشی کے ریکٹ کا پردہ فاش
