سماجوادی پارٹی کا کسانوں کی حمایت میں زرعی قوانین کے خلاف احتجاج

زرعی قوانین کے خلاف کسان احتجاج کر رہے ہیں۔ کسانوں کی اس مخالفت کا سماجوادی پارٹی بھی ساتھ دے رہی ہے۔ اسی سلسلے میں آج سماجوادی پارٹی نے بھی ریاست اترپردیش کے ضلع مرادآباد میں زرعی قوانین کی مخالفت کی۔

احتجاج میں مرادآباد کندر کی حلقہ کے رکن اسمبلی حاجی رضوان نے بھی شرکت کی۔ اس دوران انہوں نے مرکزی حکومت کو سخت تنقید کا نشانہ بنایا۔

حاجی رضوان کسانوں کی حمایت میں بولتے ہوئے کہا کہ اب کسان کسی بھی قیمت پر پیچھے نہیں ہٹنے والا ہے۔ یہ آر پار کی لڑائی۔ سماجوادی پارٹی کسانوں کے ساتھ کھڑی ہے۔

ساتھ ہی انہوں نے کہا کہ ملائم سنگھ یادو کسانوں کے اصلی رہنما ہیں اور آنجہانی چوھری چرن سنگھ جی کسانوں کے اصلی وارث ہیں۔

رکن اسمبلی رضوان نے کہا کہ وزیر اعلیٰ یوگی نے سیاست کے چلتے سماجوادی پارٹی رہنما اعظم خان، ان کی اہلیہ اور ان کے بیٹے کو جیل میں ڈال رکھا۔ لیکن اب ہم لوگ کو جو کچھ بھی کرنا پڑا ہم ان کے انصاف کی لڑائی پوری طاقت سے لڑ کر ان کو جیل سے باہر نکال کے رہیں گے۔