اترپردیش کے سابق وزیر اعلیٰ اور سماجوادی پارٹی کے قومی صدر اکھلیش یادو جمعہ کے روز اپنے پارٹی کارکنان کے ساتھ سائیکل چلاکر مشن 2022 کا آغاز کرتے ہوئے رامپور پہنچے۔ اس دوران پارٹی کارکنان پرُ جوش نظر آئے۔
اس موقع پر رامپور کے سماجی کارکن اور پارٹی ورکر دانش خان نے کہا کہ ریاست کے عوام یوگی حکومت کے ظلم و زیادتیوں سے تنگ آ چکے ہیں۔ بڑھتی مہنگائی سے عام آدمی بدحال ہے۔ اس لئے عوام ترقی میں یقین رکھنے والی سماجوادی حکومت لانا چاہتے ہیں۔
وہیں، سماجوادی پارٹی کے ضلع صدر فیضان احمد نے ای ٹی وی بھارت سے بات کرتے ہوئے کہا کہ رکن پارلیمان اعظم خاں کی سرزمین رامپور پر پہنچ کر ہمارے رہنما اکھلیش یادو نے مشن 2022 کا آغاز کیا ہے۔
انہوں نے کہا کہ سماج وادی پارٹی کا مشن ہے، اعظم خان کو رہائی دلانا، 2022 میں سماجوادی پارٹی کی حکومت بنانا۔
یہ بھی پڑھیں: کواڈ لیڈروں کی پہلی ورچوئل سمٹ سے وزیراعظم مودی کا خطاب
ساتھ ہی انہوں نے کہا کہ محمد علی جوہر یونیورسٹی کے وجود پر جس طرح سے خطرات کے بادل منڈرا رہے ہیں، وہ اکھلیش یادو کی رہنمائی میں سماجوادی حکومت لاکر دور کئے جائیں گے۔ اس لئے وہ اکھلیش یادو کی سائیکل ریلی میں شامل ہونے ہردوئی سے رامپور پہنچے ہیں۔
