دارالعلوم چوک پر منعقدہ پروگرام سے خطاب کرتے ہوئے سابق رکن اسمبلی معاویہ علی کے بیٹے اور سماجوادی پارٹی کے رہنما حیدرعلی نے کہا کہ نوجوان بی جے پی کی غلط پالیسیوں اور عوام مخالف رویہ سے لوگوں کو آگاہ کریں گے۔
انہوں نے کہا کہ پارٹی کے کارکنان بی جے پی کے دور اقتدارمیں بے روزگاری، آسمان چھوتی مہنگائی، خواتین پر ہورہے مظالم، قانونی نظم و نسق کی بدحالی جیسے مسائل کو عوام کے درمیان اجاگر کریں گے۔
انہوں نے مزید کہا کہ آئندہ اسمبلی انتخابات میں ایک مرتبہ پھر نوجوان متحد ہوکراکھلیش یاد و کی قیادت میں نئی حکومت تشکیل دیں گے۔ انہوں نے کہا کہ یوگی حکومت نے جھوٹے وعدوں کے سہارے عوام کو دھوکہ دینے کاکام کیا ہے۔
انہوں نے کہاکہ بی جے پی کی حکومت جمہوریت اور اپوزیشن کی آواز کو دبانے کی کوشش کررہی ہے، لیکن ایس پی کارکنان اس کے خلاف ہمیشہ آواز بلند کریںح گے اور متحد ہوکر جمہوریت و آئین کی حفاظت کریں گے۔
اس دوران ی مفتی احمد گوڑ نے کہا کہ بی جے پی کی حکومت میں ریاست میں خوف و ہراس کا ماحول ہے۔ خواتین گھر میں بھی محفوظ نہیں ہیں۔ اسلئے کارکنان متحد ہوکر اس عوام مخالف حکومت کے خلاف آواز اٹھائیں گے۔
انہوں نے کہا کہ بی جے پی کی اس عوام مخالف حکومت کے خاتمہ کا وقت آگیا ہے اور آنے والا وقت سماجوادی پارٹی کا ہے۔
