بارہ بنکی: سماج وادی ادھیوکتا سبھا کا احتجاج

بارہ بنکی میں آج سماجوادی پارٹی کے ایڈووکیٹ سیل کے ادھوکتا سبھا نے زرعی قوانین کے پیش نظر مرکزی حکومت کے خلاف احتجاج کیا اور انتباہ کیا کہ اگر کسانوں کے مسائل حل نہیں ہوتے ہیں، تو وہ دہلی کوچ کریں گے.

ریاست اتر پردیش کے ضلع بارہ بنکی میں آج سماجوادی پارٹی کے ایڈووکیٹ سیل کے ادھوکتا سبھا نے مرکزی حکومت کی جانب سے نافذ کردہ زرعی قوانین کے خلاف احتجاج کیا۔

ادھوکتا سبھا کے کارکنان نے زرعی قوانین کے خلاف نعرے بازی کرتے ہوئے حکومت کو انتباہ کیا کہ 'اگر کسانوں کے مسائل حل نہیں کئے گئے تو وہ دہلی کوچ کرنے پر مجبور ہوں گے۔


واضح ہو کہ ایک ہفتہ قبل سماجوادی ادھوکتا سبھا نے کلکٹریٹ میں میمورنڈم دیکر کسانوں کے مسائل کو ایک ہفتے کے درمیان حل کرنے کا مطالبہ کیا تھا اور مطالبات پر غور نہ کرنے کی صورت میں حکومت کے خلاف بڑا احتجاج کرنے کا انتباہ کیا تھا۔

اس ضمن میں ہفتہ مکمل ہونے اور کسانوں کے مسائل حل نہیں ہونے پر آج ادھوکتا سبھا کے کارکنان نے کچہری سے پٹیل تراہے ہوتے کچہری کے دوسرے گیٹ تک ریلی نکالی اور مرکزی، ریاستی حکومت کے خلاف جم کر نعرے بازی کی اس کے بعد تمام کارکنان نے زرعی قوانین کے خلاف نعرے لکھے پرچوں کا جلایا۔

اس دوران ادھوکتا سبھا کے ضلع صدر اوم شانتی نے انتباہ کیا کہ اگر کسانوں کے مسائل حل نہیں ہوتے ہیں، تو وہ دہلی کوچ کریں گے.