سماج وادی پارٹی کے سہارنپور سے رکن اسمبلی سنجے گرگ نے کہا ہے کہ سماج وادی پارٹی کو ہر طبقے کی کی حمایت حاصل ہورہی ہے۔ اس سے صاف ظاہر ہے کہ آنے والے 2022 کے اسمبلی انتخابات میں سماج وادی پارٹی اکثریت کے ساتھ حکومت بنائے گی اور اگلے وزیراعلی اکھلیش یادو ہوں گے۔
ان خیالات کا اظہار انہوں نے اپنے دفتر پر منعقد پروگرام میں خطاب کرتے ہوئے کیا۔ اس دوران بی جے پی، بہوجن سماج پارٹی اور کانگریس کے سینکڑوں کارکنان نے سماج وادی پارٹی میں شمولیت اختیار کی اور 2022 میں ہونے والے اسمبلی انتخابات میں پارٹی کو کامیاب بنانے کا عہدِ لیا۔
سنجے کرگ نے کہا کہ جس طریقے سے ہر طبقہ کی حمایت سماج وادی پارٹی کو مل رہی ہے۔ اس سے صاف ظاہر ہے کہ 2022 میں ہونے والے اسمبلی انتخابات میں سماج وادی پارٹی اترپردیش میں برسراقتدار آئے گی۔
بی جے پی حکومت سے اس وقت ہر طبقہ پریشان ہے۔ چاروں طرف غنڈہ راج ہے، رشوت خوری عام ہوچکی ہے، افسران کسی کی بات سننے کو تیار نہیں ہیں اور وہ حکومت کے ایجنٹ کے طور پر کام کر رہے ہیں۔
موجودہ حکومت نے عوام سے کئے گئے کسی بھی وعدے کو پورا نہیں کیا۔ سماج وادی پارٹی نے اپنے دور اقتدار میں جو کام کئے تھے، اسے بی جے پی گنوانے کا کام کر رہی ہے۔
