سہارنپور میں تھانہ صدر انچارج کی قیادت میں پولیس ٹیم کے ذریعہ مخبر کی اطلاع پر گذشتہ 9 نومبر کو گاندھی پارک کے سامنے سے آج پولیس نے دو ملزمان کو گرفتار کیا، جن کے قبضے سے اے ٹی ایم کو بدل کر نکالی گئی دو ہزار روپیہ کی رقم برآمد کی پولیس کے مطابق یہ ایک شاطر قسم کا گینگ ہے۔ جو تقریباً دو سال سے علاقے میں سرگرم ہے۔
اطلاع کے مطابق گروہ اے ٹی ایم مشین پر بھولے بھالے افراد، بزرگوں اور خواتین کے پیچھے کھڑے ہوکر اور انہیں باتوں میں لگاکر اے ٹی ایم لیکر اپنے پاس موجود سوائپ مشین سے اپنے لیپ ٹاپ سے اے ٹی ایم کارڈ کے کلون تیار کرکے دھوکہ دہی کرکے مختلف اے ٹی ایم مشین سے رقم نکالتے تھے جن کے دیگر ساتھیوں کے بارے میں پولیس معلومات حاصل کررہی ہے اور دیگر اضلاع سے بھی ان کی معلومات حاصل کی جارہی ہے۔
گرفتار کئے گئے دونوں ملزمان سہارنپور ضلع کے قصبہ گنگوہ کے محلہ ٹاکان کے رہنے والے ہیں۔ اس سلسلے میں ایس ایس پی سہارنپور ایس چنپا نے بتایا کہ تھانہ صدر پولیس کے ذریعہ اے ٹی ایم تبدیل کرکے ان کا کارڈ لوڈنگ کرکے اے ٹی ایم کے ذریعہ دوسروں کے پیسے نکال لیا کرتے تھے اور یہ شاطر قسم کا گینگ ہے جس میں ابھی تک دو ملزمان کو گرفتار کیا گیا ہے۔ جن کے پاس سے موبائل فون، اے ٹی ایم کارڈ، دو لیپ ٹاپ اور سوائپنگ مشین اور 17 ہزار روپیہ نقد برآمد ہوئے ہیں۔
ایس ایس پی نے بتایا کہ یہ گروہ بھولے بھالے افراد کو اپنے جال میں پھنسا کر ان کے اے ٹی ایم کارڈ بدل کر سوائپ مشین کے ذریعہ پیسہ نکال کر ٹھگی کرتے تھے۔
