تفصیلات کے مطابق جمعرات کے روز کوتوالی دیوبند کے احاطہ میں چوری کے معاملہ کا پردہ فاش کرتے ہوئے ایس پی دیہات اتل شرما نے کہا کہ 24اور 25مئی کی رات سڑک تعمیر کرنے والی کمپنی کے مکس پلانٹ سے 5لاکھ روپے سے زائد قیمت کے 42ڈرام تارکول کے چوری کر نے کا معامہ سامنے آیا تھا ۔
اس معاملہ میں کمپنی کے ٹھیکہ دار کی جانب سے چوری کی رپورٹ درج کرائی گئی تھی۔ چوری کا پتہ چلانے کے لئے سی او اور کوتوالی انچارج کی قیادت میں پولیس کی ٹیمیں تشکیل دی گئیں۔
انہوں نے مزید کہا کہ پولیس ٹیم نے دیوبند کے قریب گاﺅں کے نزدیک چیکنگ کے دوران ایک پک اپ وین اور ایک ٹاٹا میجک گاڑی کے ڈائیورز کو رکنے کا اشارہ دیا ۔ تاہم انہوں نے گاڑی کی رفتار مزید تیز کردی ۔ پولیس نے ان گاڑیوں کا تعاقب کیا اور تھوڑی دور تک تعاقب کرنے کے بعد ڈرائیورز کو گرفتار کیا
پولیس کا کہنا ہے کہ دونوں گاڑیوں سے چوری کے 22تارکول سے بھرے ڈرام برآمد ہوئے ہیں ۔ اس کے علاوہ ناگل کے گاوں منڈکی کا باشندہ راہل کے علاوہ دو ملزوں کو گرفتار کیاگیاہے ۔جبکہ مزید ملزمین کی تلاش جاری ہے۔ پولیس مقدمہ درج کر کے تحقیقات شروع کردی ہے ۔
