بتایا جا رہا ہے کہ لاک ڈاؤن کے نفاذ کے دوران مہاجر مزدوروں کو ان کے گھروں تک پہنچانے کے لئے اترپردیش حکومت کی جانب سے بھرپور کوششیں کی جا رہی ہیں۔ اترپردیش کا ضلع سہارنپور محتلف ریاستوں ہریانہ، پنجاب، اتراکھنڈ اور ہماچل کی سرحدوں سے متصل ہے۔
ان ریاستوں سے آرہے مزدوروں کو سہارنپور کے رادھا سوامی ست سنگھ سینٹر میں رکھا جا رہا ہے اور وہیں ان کے کھانے پینے کی تمام سہولیات مہیا کرائی جا رہی ہیں اور ساتھ ہی حکومت کی ہدایت پر سبھی مزدوروں کو اسپیشل ٹرین کے ذریعہ ان کو ان کی منزل کی طرف روانہ کیا جارہا ہے۔
دوسری جانب سہارنپور سے اپنے آبائی مقام جانے کے لئے رخت سفر باندھنے والے مزدور ریاستی حکومت کے اقدامات کی ستائش کر رہے ہیں۔
مزدوروں کا کہنا ہے کہ ضلع انتظامیہ اور حکومت اترپردیش ان کا بھرپور خیال رکھ رہی ہے، انہیں کسی قسم کی پریشانی کا سامنا نہیں کرنا پڑ رہا ہے۔
واضح رہے کہ سہارنپور سے چوتھی اسپیشل ٹرین مزدوروں کو لے کر روانہ ہوئی جس میں بہار کے 1270مزدور روانہ ہوئے، یہ ٹرین شام تقریباً 3 بجے روانہ ہوئی۔
