کانگریس کارکنان نے مطالبہ کیا کہ علاقے کے باشندوں کو ٹول ٹیکس میں چھوٹ دی جائے ورنہ وہ دھرنے پر مجبور ہوجائیں گے۔
تفصیلات کے مطابق کانگریس کارکنان نے امبالہ دہرادون نیشنل ہائے وے پر سرساوہ میں تعمیر کئے گئے ٹول پلازہ پر مقامی باشندوں سے ٹول ٹیکس نہ لینے کے مطالبے پر ضلع مجسٹریٹ سے ملاقات کی اور میمورنڈم سونپا۔
کانگریس نے میمورنڈم میں کہا کہ ٹول پلازہ پر مقامی باشندوں کو رعایت دی جائے کیوں کی علاقہ کے باشندوں کا ہر وقت آنا جانا لگا رہتا ہے اس وجہ سے وہ بار بار ٹول نہیں دے سکتے،
کانگریس نے میمورنڈم میں انتباہ بھی دیا گیا ہے کہ اگر علاقہ کے باشندوں کے لیے ٹول معاف نہیں کیا گیا تو کانگریس کارکنان دھرنا دینے پر مجبور ہوں گے۔
واضح رہے کہ کانگریس کارکنان کے ذریعہ اس سے قبل بھی دہرادون جی ٹی روڈ پر چھٹمل پر میں تعمیر کئے گئے ٹول پلازہ پر علاقہ کے باشندوں کے لیے ٹول فری کرایا تھا۔
اس سلسلے میں بیہٹ کے رکن اسمبلی نریش سینی نے بتایا کہ یہ ٹول پلازہ دو روز قبل ہی شروع کر دیا گیا ہے اور وہاں پر کسان، مزدور سے ٹول وصول جارہا ہے اور جو لوگ کھیتوں پر کام کرنے جارہے ہیں ان سے بھی ٹول ٹیکس لیا جارہا ہے جو سراسر غلط ہے جبکہ قانون کے مطابق آدھار کارڑ کے مطابق ٹول میں چھوٹ دی جاتی ہے لیکن علاقہ کے باشندوں سے بھی ٹول وصول جارہا ہے۔
