سہارنپور میں سڑک حادثہ، دو افراد ہلاک

سہارنپور جی ٹی روڈ پر واقع گاؤں سین پور کے نزدیک ٹرک کا ٹائر تبدیل کرتے ہوئے تیز رفتار سے آرہی کار کی زد میں آنے سے ٹرک ڈرائیور سمیت کنڈکٹر کی موقع پر ہی موت ہوگئی۔ دونوں کی شناخت ابھی تک نہیں ہوپائی ہے۔

ریاست اترپردیش کے ضلع سہارنپور میں ایک سڑک حادثہ پیش آیا ہے جس میں دو افراد کے ہلاک ہونے کی خبر ہے۔

سڑک حادثہ کی اطلاع ملتے ہی پولیس موقع پر پہنچ گئی ہے اور دونوں لاش کو اپنے قبضے میں لیکر پوسٹ مارٹم کے لیے بھیج دیا ہے۔

موصولہ اطلاعات کے مطابق دیر شام جی ٹی روڈ پر واقع گاؤں سین پور کے نزدیک مظفر نگر کی جانب سے آرہی ایک ٹرک میں پنکچر ہوگیا۔ اس دوران جب ڈرائیور اور کنڈکٹر ٹرک کا پہیہ تبدیل کر رہے تھے اسی وقت پیچھے سے تیز رفتار سے آرہی کار نے دونوں کو اپنی زد میں لے لیا جس وجہ سے دونوں کی موقع پر ہی درد ناک طریقے سے موت ہوگئی۔

اس دوران کار ڈرائیور کچھ دور پر جاکر کار چھوڑ کر فرار ہوگیا۔ حادثہ کی اطلاع ملتے ہی پولیس موقع پر پہنچی اور لاش کو قبضے میں لیکر پوسٹ مارٹم کے لیے بھیج دیا ہے۔ ابھی تک دونوں لاش کی شناخت نہیں ہو پائی ہے۔