ضلع مجسٹریٹ اکھلیش سنگھ نے کہا کہ مذہبی مقامات کھولنے سے قبل حکومت کی جانب سے جاری کردہ گائڈ لائن پر عمل کرنے والے مذہبی مقامات کو کھولنے کی اجازت ملے گی۔
مذہبی مقامات کھولنے سے قبل اجازت لینی پڑے گی، اجازت ملنے کے بعد گائڈ لائن پر عمل کرنا ضروری ہوگا۔ مذہبی مقامات کھولنے سے قبل ایس ڈی ایم اور تھانہ انچارج مذہبی مقامات کا معائنہ کریں گے۔
مرکز اور ریاستی حکومت کے ذریعہ آٹھ جون سے سبھی مذہبی مقامات کو کھولنے کی اجازت دی گئی ہے، جس کو لیکر آج سہارنپور کے ضلع مجسٹریٹ اکھلیش سنگھ نے بتایا کہ مذہبی مقامات کھولنے سے قبل مذہبی رہنماؤں کے ساتھ مٹنگ کی گئی ہے اور انہیں حکومت کی جانب سے جاری کی گئی گائڈ لائن بتا دی گئی ہے۔
انہوں نےکہا کہ مذہبی مقامات کھولنے سے قبل انتظامیہ سے اجازت لینا ضروری ہوگا اور ساتھ ہی مذہبی مقامات کھولنے پر حکومت کی جانب سے جاری کئے گئے گائد لائن پر عمل کرنا ضروری ہوگا۔
انہوں نےکہا کہ مذہبی مقامات کو کھولنے سے قبل اصولوں کی تیاری کو دیکھنے کے لئے ایس ڈی ایم اور تھانہ انچارج مذہبی مقامات کا معائنہ کریں گے، کہ کس طرح سے تیاریاں کی گئ ہیں، اسکے بعد مذہبی مقامات کو کھولنے کی اجازت دی جائے گی۔
