ریاست اترپردیش کے شہر رامپور کا معروف تعلیمی ادارہ گورنمنٹ رضا پی جی کالج میں آج سالانہ جلسہ کا اہتمام کیا گیا۔ جہاں ثقافتی پروگرام کے ذریعہ لوگوں کو امن و آشتی اور محبت کا پیغام دیا گیا۔
اس موقع پر طلباء و طالبات نے اپنی اپنی پرفارمنس کے ذریعہ سماجی بیداری اور حب الوطنی کا مظاہرہ کیا۔
کالج کی اس سالانہ تقریب میں ضلع کے اعلی افسران، ماہرین تعلیم اور بڑی تعداد میں طلباء و طالبات نے شرکت کی۔
مزید پڑھیں: سی اے اے کے خلاف نویں دن بھی خواتین کا احتجاج جاری
اس موقع پر پروگرام کی نظامت کا فریضہ انجام دینے والے شعبہ اردو کے ہیڈ ڈاکٹر ارشد رضوی نے رضا پی جی کالج کی تاریخی حیثیت اور اس کی سالانہ سرگرمیوں سے بھی لوگوں کو متعارف کرایا۔
اس دوران طالب علم محمد نوید کی پیش کش حب الوطنی کے گیت پر مبنی پلے پیش کرکے ملک کے شہیدوں کو یاد کیا گیا۔ جس میں نوید نے اپنی آواز میں نغمے پیش کرکے حب الوطنی کا پیغام دیا۔
