رضا ایکشن کمیٹی نے ضرورت مندوں میں راشن تقسیم کیے

کورونا کے اس پرآشوب دور میں جہاں بہت سے لوگ اپنے عزیزوں سے فاصلہ قائم کر رہے ہیں، تو وہیں بہت سے لوگ ایسے بھی ہیں، جو ضرورت مندوں کے لیے ایک شاندار امید بن کر سامنے آئے ہیں۔ بریلی میں رضا ایکشن کمیٹی نے ایسے تمام ضرورت مندوں اور غریبوں کو راشن تقسیم کیا۔ جن کی دکان، کاروبار اور مزدوری کورونا کی وجہ سے ختم ہو چکی ہے۔

بریلی میں رضا ایکشن کمیٹی یعنی آر اے سی کے عہدے داران اور کارکنان نے اپنے دفتر پر شہر کے تمام ضرورت مندوں اور غریبوں کو راشن تقسیم کیا اور لوگوں سے کورونا خاتمہ کے لیے دعا کرنے کی اپیل کی۔

کمیٹی کے قومی صدر مولانا عدنان رضا خاں قادری نے کہا کہ یہ تمام بھارتیوں کے لیئے مشکل اور امتحان کا دور ہے۔ لوگوں کے پاس کھانے کے انتظام نہیں ہے۔

کاروبار سب سے زیادہ متاثر ہوا ہے۔ مزدوروں کے پاس مزدوری نہیں ہے۔ صرف روزمرہ ضروریات کے سامان کی دکانیں ہی کھولی جا رہی ہے۔ اس کے علاوہ تمام دکانیں، ریاست اتر پردیش حکومت کے نافذ لاک ڈاؤن کے قوانین کے دائرے میں آتی ہیں۔ لہذا ایس تمام دکانیں تقریباً ایک ماہ سے بند ہیں۔

ظاہر ہے ایسے تمام کاروباریوں، تاجروں، دکانداروں اور مزدوروں کے سامنے دو وقت کی روٹی کا انتظام کرنا مشکل ہو رہا ہے۔

لہذا آر اے سی نے رمضان میں اعلان کیا تھا کہ عید الفطر کے مبارک موقع پر تین دن تک کمیٹی کے دفتر پر راشن تقسیم کیا جائےگا۔ لہذا آر اے سی کے تمام عہدے داران اور کارکنان نے شہر کے تمام ضرورت مندوں اور غریبوں کو راشن کے پیکٹ تقسیم کیے اور تمام لوگوں سے اپیل کی کہ وہ کورونا وائرس کے خاتمہ کے لیے دعا کریں اور ایک دوسرے کی مدد کے لیے جوش و جزبہ سے تیار رہیں۔ ضرورت مندوں اور غریبوں کی مدد کرنے کا کام اپنی ذمہ داری سمجھیں، نہ کہ کوئی احسان۔

کمیٹی کے قومی صدر مولانا عدنان رضا خاں قادری نے کہا کہ یہ دور تمام عالمِ اسلام کے لیے امتحان کا دور ہے۔ ایک طرف جہاں ہم کورونا وائرس کے خلاف جدوجہد کر رہے ہیں۔