ریاست اتر پردیش کے ضلع مظفر نگر میں راشٹریہ لوگ دل کے ضلع صدر اجیت راٹھی کی سربراہی میں سینکڑوں کارکنان نے 26 مئی کے دن کو یوم سیاہ کے طور پر منایا۔
واضح رہے کہ دہلی کے سرحدی علاقوں میں زرعی قوانین کے خلاف کسانوں کے احتجاج کو چھ مہینے مکمل ہو چکے ہیں۔
متحدہ کسان مورچہ اور راشٹریہ لوگ دل کے قومی صدر جینت چودھری کی کال پر راشٹریہ لوک دل کے کارکنان اور عہدیداروں نے سڑکوں پر اتر کر تینوں زرعی قوانین کے خلاف زبردست احتجاجی مظاہرہ کیا اور حکومت مخالف نعرے بازی بھی کی۔
اس مظاہرے کے پیش نظر تمام اضلاع میں پولیس فورس تعینات تھی اور انتظامیہ کے اعلیٰ افسران بھی موجود رہے۔
راشٹریہ لوک دل کے ضلع صدر اجیت راٹھی نے بتایا کہ ہم نے 26 مئی کے دن کو یوم سیاہ کے طور پر منایا ہے۔
26 مئی کے دن ہی دہلی کے سرحدی علاقوں میں زرعی قوانین کے خلاف کسانوں کے احتجاج کو چھ مہینے مکمل ہو چکے ہیں۔
انہوں نے کہا کہ یہ مظاہرہ تب تک جاری رہے گا جب تک حکومت تینوں زرعی قوانین کو واپس نہیں لے لیتی۔
