مراد آباد منڈل کے آئی جی رمت شرما رامپور پہنچے، جہاں انہوں نے پولیس نظام کو بہتر بنانے کے مقصد سے سماج کی سرکردہ شخصیات کے ساتھ ہی میڈیا کے نمائندوں سے مشورے لیے ساتھ ہی رامپور میں ٹریفک نظام کو بہتر بنانے کے مقصد سے بھی بات چیت کی گئی۔
اس موقع پر انہوں نے مختلف مشوروں پر غور و خوض کرنے کے بعد متعدد اعلانات کئے جس میں پولیس انتظامیہ کو بہتر بنانے کے لیے حکمت عملی تیار کرنے کی بات شامل تھی۔
اس کے علاوہ رامپور کے بازاروں میں ٹریفک کی وجہ سے ہونے والی دشواری سے نجات کے لیے کچھ روز کے لیے ون وے کا فارمولا نافذ کرکے تجربہ کرنے کا فیصلہ کیا گیا اور اگر یہ عمل کامیاب ہوا تو اسے مستقل نافذ کیا جائے گا۔
واضح رہے کہ 22 اکتوبر کو آئی جی رمت شرما از خود ای رکشا میں بیٹھ کر بغیر کسی سکیورٹی عملے کے رامپور کے بازاروں کو دورہ کر کے ٹریفک نظام کے ساتھ ساتھ پولیس اہلکاروں کے کام کا بھی جائزہ لیا تھا۔
