رامپور: عوام بجلی اور پانی جیسے بنیادی مسائل سے پریشان

ریاست اترپردیش کے رامپور میں بجلی پانی جیسے بنیادی ضروریات کا مسئلہ ہر گذرتے دن کے ساتھ سنگین ہوتا جا رہا ہے۔ عوام کے ساتھ سیاسی وسماجی کارکنان سڑکوں پر اتر بجلی کٹوتی اور پانی کی عدم دستیابی پر احتجاجی مظاہرے کر رہے ہیں۔

معروف سماجی کارکن رحمت یار خان نے کہا کہ بجلی پانی اور رہائش جیسے مسائل کافی سنگین ہوتے جا رہے ہیں۔ اس لئے اپنی دیگر سرگرمیوں کے ساتھ ہی ان مسائل کے لئے حل کے لیے بھی جدوجہد کریں گے۔

ایک روز قبل بجلی محکمہ کے افسران کے خلاف احتجاجی مظاہرہ کرتے ہوئے عام آدمی پارٹی کے رہنما فیصل لالہ نے محکمہ بجلی کے عہدیدارن پر سنگین عائد کرتے ہوے کہا تھا کہ بجلی گھر اور دیگر سرکاری دفاتر کے 80 ۔80 لاکھ کے بل بقایا ہیں۔تاہم مذکورہ محکمہ صرف غریب عوام کو بجلی چوری کے نام پر ہراساں کر رہا ہے۔

اس معاملے پر بجلی محکمہ کے ایکزکیوٹیو انجینئر بھیشم تومر نے فیصل کے الزامات کی تردید کی ہے۔

وہیں رامپور میں بجلی کٹوتی اور نئی کالونیوں میں متعلقہ محکمہ کی جانب سے بجلی کے کنیکشن نہیں دیے جانے سے متعلق رامپور کے معروف سماجی کارکن رحمت یار خان نے آواز بلند کرتے ہوئے کہا کہ بجلی کٹوتی سے عوام بہت پریشان ہیں

رامپور میں ان کا کوئی پرسان حال نہیں ہے۔

فیصل لالہ سمیت دیگر کئی افراد غریب عوام مذکورہ مسائل کے حل کے لئے کوشاں ہیں۔