ریاست اترپردیش کے ضلع رامپور میں آج ایک خصوصی پروگرام 'حق کی بات ضلع پولیس سربراہ کے ساتھ' کا انعقاد کرکے خواتین کی زوم ایپ اور فیس بک براہ راست کے ذریعہ شکایات ایس پی رامپور شگون گوتم نے سنی اور ان کا تصفیہ بھی کیا۔
اس دوران جنسی برابری، خواتین و بچوں سے متعلق معاملات پر خواتین کے ساتھ براہ راست بات چیت پروگرام میں پولیس سربراہ رامپور شگن گوتم، ایس ڈی او غزل بھاردواج، ایڈیشنل ایس پی سنسنار سنگھ کی موجودگی میں زوم ایپ کے ذریعہ ضلع کے مختلف اسکولوں، کالجوں کی طالبات اور اساتذہ کی شکایات کی سماعت کے لیے ایک گھنٹہ کے پروگرام کا اہتمام کیا گیا۔
اس دوران فیس بک براہ راست کے ذریعہ بھی خواتین کے مسائل سے رو بہ رو ہوا گیا۔ ایک گھنٹہ کی نشست میں 16 شکایات موصول ہوئیں، جن میں سے پولیس سطح سے تصفیہ ہونے والے مسائل کے تصفیہ کے متعلق ضروری ہدایات دی گئیں۔ وہیں یہ جانکاری بھی دی گئی کہ آئندہ مستقبل میں بھی فیس بک اور زوم ایپ کے ذریعہ ڈیجیٹل بات چیت کا اہتمام کیا جائے گا۔
