بریلی: ریلوے ملازمین کا احتجاج

مرکزی حکومت کی پالیسیوں سے ناراض ریلوے ملازمین نے بریلی میں احتجاج کیا۔

ریاست اترپردیش کے بریلی میں محکمۂ بجلی کے بعد اب ریلوے ملازمین نے این ای آر ڈویژن کے یونین سیکریٹری رجنیش تیواری کی قیادت میں حکومت کی پالیسیوں کے خلاف احتجاج کیا۔

اس دوران یونین عہدیداروں نے مرکزی حکومت کی پالیسیوں میں نجکاری، کارپوریشن نظام، نئی پنشن، تیس برس کی سرکاری ملازمت یا پچپن برس میں رٹائرمنٹ کے زیرِ غور منصوبہ کی سخت مذمت کی۔

مرکزی حکومت کی جانب سے ملازم مخالف فیصلے پر ریلوے ملازمین نے سخت اعتراض کرتے ہوئے کہا کہ 'این ای ریلوے ملازمین نے کانگریس پارٹی کے زیر اہتمام تحریک شروع کر دی ہے تاکہ حکومت اپنی مرضی کے مطابق غلط فیصلہ لینے سے باز آئے۔ اس تحریک کے بعد بھی اگر حکومت انتباہ نہیں کرتی ہے تو ریلوے ملازمین تاریخی پہیہ جام کریں گے۔واضح رہے کہ رجنیش تیواری نے حکومت کو متنبہ کرتے ہوئے کہا کہ 'وہ نوجوانوں کی طاقت کو نظرانداز نہ کرے، ورنہ لڑائی جاری رہے گی، انہوں نے کہا کہ 'نوجوانوں نے ہی ملک کے لیے جنگ آزادی کی لڑائی لڑی تھی اور اب وہ اپنے مستقبل کے لئے جنگ لڑنے کو تیار ہیں۔'