بارہ بنکی: کووڈ 19 کی وجہ سے احتجاج ملتوی

بارہ بنکی میں سماجی تنظیم جن ہت ایکتا سنگٹھن کی جانب سے احتجاج ہونے والا تھا، لیکن کورونا وبا کی وجہ سے ملتوی کر دیا گیا ہے۔ تنظیم نے انتباہ دیا ہے کہ اگر مطالبات پر غور نہیں کیا گیا تو وہ کووڈ 19 وباء کے خاتمے کے بعد احتجاج کریں گے۔

ریاست اترپردیش کے ضلع بارہ بنکی میں گذشتہ دو برس سے اسمارٹ میٹر کے خلاف احتجاج کر رہی سماجی تنظیم جن ہت ایکتا سنگٹھن نے آج مجوزہ اپنے احتجاج کو کووڈ-19 کی وجہ سے ملتوی کر دیا ہے۔

تنظیم کی جانب سے اس معاملے میں ضلع انتظامیہ کو میمورنڈم دیا گیا ہے۔ جس پر انہیں جلد از جلد کارروائی کی یقین دہانی کرائی گئی ہے۔

بتا دیں کہ اسمارٹ میٹر کے خلاف مسلسل جن ہت ایکتا سنگٹھن نے 4 نومبر کو کلکٹریٹ میں احتجاج کے بعد میمورنڈم دیکر انتظامیہ کو 20 روز کا وقت دیا تھا اور اس کے بعد بڑے مظاہرہ کا انتباہ دیا تھا۔

اس مظاہرے کی تمام تیاریاں بھی مکمل تھیں، لیکن کووڈ-19 کے سبب انتظامیہ کی اپیل پر تنظیم نے اپنا مجوزہ پروگرام منسخ کرکے اے ڈی ایم سندیپ کمار گپتا کو میمورنڈم دیا۔

بارہ بنکی میں کووڈ 19 کی وجہ سے احتجاج ملتوی

انتظامیہ کے ذریعہ جن ہت ایکتا سنگٹھن کو یقین دہانی کرائی گئی ہے کہ اسمارٹ میٹر کے مسئلے پر حکومت نے نوٹس لیا ہے اور اس پر وزیر توانائی نے میٹنگ بھی کی ہے۔ جلد ہی اس پر کوئی فیصلہ ہوگا۔

انتظامیہ کا کہنا ہے کہ تنظیم کے مطالبات جائز ہیں۔ اس لیے یہ میمورنڈم وزیر اعلیٰ اور وزیر اعظم تک پہونچا دیا جائے گا۔

تنظیم نے پھر انتباہ دیا ہے کہ اگر مطالبات پر غور نہیں کیا گیا تو وہ کووڈ-19 وباء کے خاتمے کے بعد بڑا مظاہرہ کریں گے۔