ریاست اترپردیش کے ضلع مرادآباد میں ایک ایسا نظارہ دیکھنے کو ملا جب پولیس کی نگرانی میں ولیمہ ہوا۔
بتا دیں کہ ایک غیر مسلم خاتون نے ایک مسلم نوجوان سے شادی کرلی ہے جس کا آج ولیمہ کا پروگرام تھا، اس شادی کی خبر جیسے ہی شہر میں پھیلی تو کچھ شرپسند عناصر نے شادی کی مخالفت کرتے ہوئے ہنگامہ برپہ کر دیا، اس پر پولیس نے تقریبا 50 افراد کو گرفتار کر لیا ہے۔
مرادآباد کے تھانہ سیول لائن علاقہ میں مقیم ایک غیر مسلم خاتون اور بجنور کے رہنے والے باشندہ، جو مسلم ہیں، ان دونوں کی شادی کا ولیمہ کا پروگرام چل رہا تھا، اسی دوران شادی کارڈ میں دونوں دلہن دولہا کا نام سے اندازہ کرکے الگ الگ مذاہب کے ہونے کو لے کر شہر کے شرپسند عناصر نے شادی میں ہنگامہ کر دیا۔
بتا دیں کہ دونوں کے خاندانوں کی رضامندی سے یہ شادی ہو رہی تھی، حالات کو قابو کرتے ہوئے پولیس نے ہنگامہ کرنے والے 50 افراد کو حراست میں لے لیا ہے اور سحت سیکیورٹی کے درمیان پروگرام کو مکمل کرایا گیا۔
