مظفر نگر: ملک میں ڈیزل پیٹرول کی قیمتوں میں ہو رہے اضافے اور لکھنؤ میں پولیس کے جانب سے ہوئے لاٹھی چارج کے خلاف آج سماج وادی پارٹی کے کارکنان نے شہر کے مہاویر چوک پر احتجاج کیا اور حکومت کے خلاف نعرے بازی کرتے ہوئے گرفتاری دی۔
اس دوران ضلع صدر پرمود تیاگی نے کہا کہ 'بڑھتی مہنگائی کے خلاف سماج وادی پارٹی کے تمام یوتھ کارکنان کی جانب سے لکھنؤ میں گزشتہ دنوں مظاہرے کیے جارہے تھے ، جہاں پولیس نے مظاہرین پر لاٹھی چارج کیا تھی جو انتہائی قابل مذمت ہے ۔
ڈیزل پیٹرول کی قیمتوں میں ہو رہے اضافے کے خلاف احتجاج۔ ویڈیو
انہوں نے کہا کہ آج دنیا میں سب سے سستا خام تیل ہے لیکن پھر بھی ملک میں تیل کی قیمتیں آسمان چھو رہی ہیں، تیل کے ساتھ ساتھ مہنگائی کی وجہ سے ہمیں مشکلات کا سامنا کرنا پڑ رہا ہے۔ آج کے دور میں ڈیزل پیٹرول سے زیادہ مہنگا ہے ، یہ حکومت کسان مخالف ہے۔
