ایل آئی سی ملازمین کا احتجاج

مرکزی حکومت کی جانب سے بیمہ سیکٹر میں 100 فیصد ایف ڈی آئی اور لیبر قوانین میں تبدیلی جیسے اقدامات کی مخالفت شروع ہوگئی ہے۔

اترپردیش کے بارہ بنکی میں ایل آئی سی ملازمین نے ہیڈکوارٹر پر احتجاجی مظاہرہ کیا۔ اس موقع پر انھوں نےمرکزی حکومت، وزیراعظم اور وزیر خزانہ کے خلاف نعرہ بازی کی۔
ایل آئی سی ملازمین نے اس کے خلاف مورچہ کھول دیا ہے۔ ایل آئی سی ملازمین نے اس کے خلاف سڑک سے پارلیمنٹ تک احتجاج کرنے کا انتباہ دیا ہے۔

احتجاجی مظاہرین کا کہنا ہے کہ فائدہ میں چل رہے عوامی اداروں میں ایف ڈی آئی کی حد 100 فیصد کرکے حکومت ان اداروں کو نجی شعبوں میں تبدیل کرنا چاہتی ہے، اور لیبر قوانین کو چار حصوں میں تقسیم کر کے انہیں کمزور کرنے کی کوشش کر رہی ہے۔اس موقع پر ایل آئی سی افسر اور ملازمین نے انتباہ دیا کہ ہے کہ اگر یہ فیصلہ واپس نہیں لیا گیا تو اس کے خلاف سڑک سے پارلیمنٹ تک احتجاج کیا جائے گا۔