ریاست اترپردیش کے شہر رام پور میں کل ہند مجلس اتحاد المسلمین کی جانب سے پرانی فروٹ منڈی سے لے کر شاہ آباد گیٹ تک شہریت ترمیمی بل کے خلاف احتجاجی مظاہرہ کیا گیا۔
سی اے بی کے خلاف احتجاج۔ویڈیو
اس دوران مجلس کے کارکنان نے سی اے بی کے خلاف زبردست نعرے بازی کرتے ہوئے حکومت سے اس بل کو فوری واپس لینے کا مطالبہ کیا۔
اے آئی ایم آئی ایم کے ضلع صدر شاداب خاں نے میڈیا کے سامنے اپنی بات رکھتے ہوئے کہا کہ یہ شہریت ترمیمی بل ہندوستان کی سب سے بڑی اقلیتوں کے خلاف ہے۔
انہوں نے یہ بھی کہا کہ ہم صدر جمہوریہ سے مطالبہ کرتے ہیں کہ وہ اس بل پر اپنے دستخط نہ کریں۔
حکومت اگر قانون بنانا چاہتی ہے تو دوسرے فرقوں کے ساتھ مسلمانوں کا نام بھی اس میں شامل کریں۔
