'مدارس کے مسائل حل کئے جائیں'

ایسوسی ایشن کے جنرل سیکرٹری وحید اللہ خان سعیدی نے پروگرام سے خطاب کرتے ہوئے کہا کہ اساتذہ کے مسائل کو حل کرنے کے لئے قانوں ساز کاؤنسل میں نمائندگی ضروری ہے۔

مئو میں آل انڈیا مدارس عربیہ ٹیچرز ایسوسی ایشن کے زیر اہتمام ایک میٹنگ کا انعقاد کیا گیا۔ میٹنگ کے دوران مدارس میں اپنی خدمات انجام دے رہے اساتذہ کے مسائل کو حل کرنے کی اترپردیش حکومت سے اپیل کی گئی۔

اس دوران اترپردیش میں جاری قانون ساز کاؤنسل کے انتخاب میں مدارس کے حق میں کام کرنے والے امیدوار کو حمایت دینے پر غور و خوض کیا گیا۔

ایسوسی ایشن کے جنرل سیکرٹری وحید اللہ خان سعیدی نے پروگرام سے خطاب کرتے ہوئے کہا کہ اساتذہ کے مسائل کو حل کرنے کے لئے قانوں ساز کاؤنسل میں نمائندگی ضروری ہے۔
اس موقع پر اترپردیش انٹرمیڈئیٹ ٹیچرز ایسوسی ایشن کے امیدوار نریندر سنگھ نے مدارس کے اساتذہ سے اپنے حق میں ووٹ دینے کی اپیل کی۔

نریندر سنگھ قانون ساز کاؤنسل میں منتخب ہونے کے بعد مدارس کے مسائل کو حل کرنے کی یقین دہانی کرائی۔

واضح رہے کہ قانون ساز کاؤنسل کے انتخاب کی ووٹنگ یکم دسمبر کو ہو گی جبکہ نتائج کا اعلان تین دسمبر کو کیا جائے گا۔

ایسوسی ایشن نے مدراس اساتذہ کے مسائل کو پیش کرتے ہوئے کہا کہ انہیں بھی دیگر تعلیمی اداروں کے مساوی تنخواہیں دینے کا حکم نامہ جاری کیا جائے۔
میٹنگ میں منشی، مولوی و مدرسہ بورڈ کی دیگر اسناد کے نام تبدیلی کو واپس لینے کا بھی مطالبہ کیا گیا۔