کانگریس کی جنرل سکریٹری اور اتر پردیش انچارج پرینکا گاندھی واڈرا نے ریاست کے گاؤں میں تقسیم کے لیے کورونا وبا کے علاج کی 10 لاکھ دواؤں کی کٹ اور سینیٹائزر بھیجی ہے۔
کانگریس نے ہفتے کے روز یہاں جاری بیان میں کورونا کی دوسری لہر میں اسے عوام کے لیے 'سیوا ستیہ گرہ' کی شروعات قرار دیا اور کہا کہ پرینکا واڈرا کی جانب سے بھیجی گئی دواؤں کی پہلی کھیپ لکھنؤ کے آس پاس کے اضلاع میں تقسیم کے لیے بھیجی گئی ہے۔
پارٹی نے امید ظاہر کی ہے کہ کورونا علاج کٹ سے گاؤں میں ہوم آئیسولیشن میں رہنے والوں کو راحت ملے گی۔ پارٹی نے بتایا کہ تمام کٹ میں چھ دواؤں کے پتے ہیں۔ ہر دوا کے استعمال کرنے کی ہدایت بھی کٹ پر تحریر ہے۔
