اترپردیش کے رامپور میں عید الاضحیٰ کے موقع پر قربانی کے لئے جانور باہر شہروں میں نہیں جانے کی وجہ سے کم قیمتوں میں فروخت ہو رہے ہیں جس سے کسان ناخوش ہیں لیکن خریدار راحت محسوس کر رہے ہیں۔ Prices of Sacrificial Animals Fall in Rampur
رامپور شہر سے 8 کلومیٹر کی دوری پر دریائے کوسی کے نزدیک جانوروں کی خصوصی منڈی میں ہر سال عید الاضحی کے موقع پر بکروں اور دیگر قربانی کے چوپایوں کے بازار کا اہتمام کیا جاتا ہے۔ لیکن اس مرتبہ قربانی کے لئے ضلع سے باہر جانور نہیں جانے اور گزشتہ برسوں کے مقابلے قربانی کے عمل میں لوگوں کی دلچسپیاں کم ہونے کے سبب کسان بہت سستے داموں میں اپنے جانور فروخت کر رہے ہیں۔ تاجروں نے اپنی تشویش کا اظہار کرتے ہوئے کہا کہ جانوروں کی خرید بہت کم ہونے کی وجہ سے ان کا کافی نقصان ہو رہا ہے۔قربانی کا جانور لینے آئے ناظر علی نے کہا کہ قیمتیں اس مرتبہ کافی کم ہیں۔ اس لئے انہوں نے بکروں کے ساتھ بڑے جانور کی بھی خریداری کرلی۔
واضح رہے کہ یوگی حکومت کے اقتدار میں آنے کے بعد سے گذشتہ چند برسوں سے قربانی کے جانوروں کی خرید و فروخت پر کافی پابندیاں عائد ہو گئی ہیں۔ یہی وجہ ہے کہ جانوروں کے بیوپاری اب دور دراز جاکر اپنے جانور نہیں فروخت کر پا رہے ہیں۔
