اتر پردیش اسمبلی انتخابات 2022 سے قبل ایک بار پھر مسلمانوں سے جڑے شہروں کے نام تبدیل کرنے کی سیاست شروع ہو گئی ہے۔
اتر پردیش حکومت ضلع سلطان پور کا نام تبدیل کر کُش بھون پور رکھنے کی تیاری کر رہی ہے۔ ریونیو کونسل کے ایک اعلیٰ عہدیدار نے بتایا کہ 'کونسل نے اپنی سفارش حکومت کو بھیج دی ہے۔ اب اس پر حتمی فیصلہ وزیر اعلی یوگی آدتیہ ناتھ کی سربراہی میں ریاستی کابینہ کرے گی۔
سلطان پور کے لمبھوا سے بی جے پی رکن اسمبلی دیومنی دویدی نے اسمبلی میں یہ مسئلہ اٹھایا تھا۔ سلطان پور کے ضلع مجسٹریٹ نے سلطان پور کی قدیم تاریخ کا حوالہ دیتے ہوئے حکومت اور ریونیو کونسل کو ضلع کا نام کُش بھون پور رکھنے کی سفارش بھیجی تھی۔
یہ بھی پڑھیں: علی گڑھ کا نام بدل کر 'ہری گڑھ' رکھنے کی تجویز منظور
واضح رہے کہ 'یوگی حکومت نے اقتدار میں آنے کے بعد الہ آباد کا نام بدل کر پریاگ راج، فیض آباد کا نام ایودھیا اور مغل سرائے کو پنڈت دین دیال اوپادھیائے کر چکی ہے۔
