ریاست اترپردیش کے رامپور میں دوسرے مرحلے کے اسمبلی انتخابات UP Elections 2022 Phase 2 Voting کے لئے آج پولنگ پارٹیاں وی وی پیٹ اور ای وی ایم کے ساتھ پولنگ مراکز کے لئے روانہ ہو گئی ہیں۔ 14 فروری کو دوسرے مرحلے کے تحت رامپور کے پانچوں اسمبلی حلقوں پر رائے دہندگان اپنے حق رائے دہی کا استعمال کریں گے۔
اسمبلی انتخابات کے دوسرے مرحلے کے تحت رامپور کے پانچوں اسمبلی حلقوں میں Voting in Five Assembly Constituencies of Rampur بھی 14 فروری کو ووٹنگ ہونا ہے، جس کے لیے آج رامپور کی نوین منڈی کے احاطہ میں پولنگ پارٹیوں کو تیار کرکے روانہ کیا گیا۔
اس دوران ضلع انتظامیہ رویندر کمار ماندڑ نے ای ٹی وی بھارت سے اپنی خصوصی بات چیت میں بتایا کہ پُرامن انتخابات کرانے کے لئے تمام تیاریاں مکمل کر لی گئیں ہیں۔ پولنگ پارٹیوں کو پولنگ مراکز تک پہنچانے کے لئے بسوں کا نظم کیا گیا ہے۔ UP Elections 2022
انہوں نے کہا کہ 14 فروری کو صبح 5:30 بجے سے پولنگ شروع ہوجائے گی جو شام 7 بجے تک چلے گی۔ ساتھ ہی انہوں نے کہا کہ ضلع میں 1123 پولنگ مراکز کے تحت 2058 پولنگ مقامات بنائے گئے ہیں۔ پولنگ کے عمل کو کمیشن کے ذریعہ طے کی گئیں گائیڈ لائنس کے مطابق شفاف طریقہ سے مکمل کرانے کے لئے نشاندہی والے 1029 پولنگ مقامات پر ویب کاسٹنگ کا نظم رہے گا۔ UP Elections 2022 Phase 2 Voting
وہیں ضلع انتظامیہ نے سکیورٹی سے متعلق کہا کہ سکیورٹی کے پختہ انتظامات کیے گئے ہیں۔ بوتھ میں موبائل فون سمیت تمام قسم کے الیکٹرانک ڈوائس لے جانا مکمل طور پر ممنوع رہے گا۔
- یہ بھی پڑھیں: UP Elections 2022 Phase 1 Voting: نوئیڈا، علی گڑھ اور میرٹھ سمیت سبھی اسمبلی حلقوں میں کل ہونے والی ووٹنگ کی تیاری مکمل
انہوں نے کہا کہ ضلع میں پُرامن الیکشن کرانے کے لئے 8 اضلاع سے پولیس فورس بلائی کی گئی ہے جو کہ ہر پولنگ اسٹیشن پر مناسب تعداد میں تعینات رہیں گے۔ UP Elections 2022
