نوئیڈا: کانپور میں تشدد کے بعد اترپردیش کی گوتم بدھ نگر نوئیڈا پولیس چوکس ہوگئی ہے۔ نوئیڈا بارڈر پر بڑی تعداد میں پولیس فورس تعینات ہے۔ گوتم بدھ نگر کے جوائنٹ کمشنر لاء اینڈ آرڈر لو کمار نے نوئیڈا کی سرحد پر ڈی سی پی، ایڈیشنل ڈی سی پی اور اے سی پی سمیت بڑی تعداد میں پولیس فورس تعینات کر دی ہے۔ اس کے علاوہ بھیڑ والے علاقوں میں فلیگ مارچ نکالے جا رہے ہیں۔ پولیس ٹیم نوئیڈا کے مذہبی رہنماؤں سے بھی بات چیت کر کے ماحول سازگار بنانے کی بات کر رہی ہے۔Police Visit Religious Sites and Flag March in Noida
اس تناظر میں نوئیڈا سیکٹر 8 جامع مسجد اور دیگر مساجد کے ذمہ داران سے بات چیت کی گئی ۔ویسے بھی نوئیڈا میں ایسا کوئی علاقہ نہیں ہے جہاں مسلمانوں کی اکثریت ہو حالانکہ ضلع کے قصبات میں مسلمانوں کی بڑی آبادی موجود ہے جیسے دادری،جیور،ہلدونی وغیرہ میں۔نوئیڈا کی جھگیوں میں مکس آبادی ہندو اور مسلمان دونوں بڑے سکون سے رہتے ہیں ۔پھر بھی پولیس محتاط ہے۔
