ریاست اتر پردیش کے دارالحکومت لکھنؤ میں سی اے اے کو لے کر جاری احتجاج میں شریک ہوئے سابق ایس پی وزیر یامین خان کو ٹھاکر گنج پولیس نے گھنٹا گھر سے گرفتار کر لیا ہے۔
سابق ایس پی وزیر یامین خان گھنٹا گھر سے گرفتار
دراصل پولیس نے گھنٹہ گھر سے خواتین کو چھوڑ کر تمام مردوں کو بھگا دیا ہے۔ اس کی وجہ سے گھنٹہ گھر پر اچانک افراتفری کا ماحول بن گیا۔
وہیں ایک خاتون نے پولیس پر لڑکی کو جیپ سے پھینکنے کا بھی الزام لگایا ہے۔
ان کا کہنا ہے کہ ' حراست میں لئے گئے افراد کے ساتھ پولیس 5 سالہ بچی کو بھی اٹھا لے گئی ۔'
پولیس پر بچی کو سڑک پر پھینکنے کا بھی الزام لگایا گیا ۔
واضح رہے کہ 'این آر سی، این پی آر اور سی اے اے کے خلاف خواتین کی ہڑتال 47 ویں دن بھی جاری رہی۔'
