ریاست اترپردیش کے ضلع دیوریا کے لار علاقے میں اپنے کام میں لاپرواہی برتنے کے الزام میں دو سپاہیوں کو معطل کردیا گیا ہے۔
پولیس ترجمان نے بتایا کہ کورونا سے بچاؤ کے لیے اترپردیش، بہار سرحد کے مہرونا پولیس چیک پوسٹ پر لاک ڈاؤن کو دیکھتے ہوئے سرحد کو سیل کردیا گیا تھا۔
سرحد کو سیل ہونے کے بعد جمعہ کو بہار کی ایک ایمبولنس کو چوکی پر تعینات سپاہی کرشنا نند سنگھ اور دویا شنکر رائے نے سرحد سے جانے دیا۔
اس ضمن میں ایس پی ڈاکٹر شری پتی مشرا نے دونوں سپاہیوں کو اپنے کام میں لاپرواہی برتنے کے الزام میں جمعرات کی رات ہی معطل کردیا۔
خیال رہے کہ دیوریا کے پڑوسی ضلع سیوان بہار کا کورونا کا ہاٹ سپاٹ علاقہ ہے، اسی کو دیکھتے ہوئے بہار سے ملحقہ مہرونا سرحد کو پوری طرح سے سیل کردیا گیا تھا۔
