ریاست اتر پردیش کے ضلع مظفر نگر میں ضلع مجسٹریٹ اور سینئر سپرنٹنڈنٹ پولیس نے پورے عملے کے ساتھ آئندہ تہواروں کے حوالے سے ضلع میں امن و امان برقرار رکھنے اور فسادات پر قابو پانے کے لیے آلات کے ساتھ ریہرسل کی۔ ضلع مجسٹریٹ نے کہا کہ 'لا اینڈ آرڈر کو خراب کرنے والے لوگوں پر کڑی نظر رکھی جائے گی۔ ضلع میں فسادات پر قابو پانے کے لیے ہر علاقے میں الگ الگ ٹیمیں تشکیل دی گئیں ہیں۔ Separate teams formed to control riots in Muzaffarnagar
- یہ بھی پڑھیں: Jayant Chaudhary over Amit Shah: 'ملک کے مختلف خطوں میں فسادات بھڑکانے کیلئے امت شاہ ذمہ دار'
وہیں سینیئر سپرنٹنڈنٹ آف پولیس نے کہا کہ 'افواہیں پھیلانے والوں کو مختلف دفعات کے تحت مقدمہ درج کرنے کے بعد جیل بھیجا جائے گا۔' انہوں نے کہا کہ 'جس پولیس افسر کی ڈیوٹی لگائی گئی ہے وہ اپنی ڈیوٹی کرنے کے لیے تیار ہو جائے ورنہ سخت کارروائی کی جائے گی۔ ڈیوٹی کے دوران کوئی بھی پولیس اہلکار بغیر تیاری اور فسادات پر قابو پانے کے آلات کے بغیر ڈیوٹی پر موجود نہیں ہوگا۔ ہدایات پر 100 فیصد عمل نہ کرنے والوں کے خلاف سخت کارروائی کی جائے گی۔'
