ریاست اتر پردیش کے ضلع رام پور کے کوتوالی تھانہ ٹنڈہ علاقہ میں واقع اکبر آباد گاؤں کے جنگل میں بنائے جارہے کچی شراب کے اڈوں پر پولیس اور محکمہ ایکسائز کی ٹیم نے چھاپہ مارکر کاروائی کی۔ واضح رہے کہ اس کارروائی میں پولیس نے بہت سے بھٹوں کو تباہ کردیا۔ پولیس نے کچی شراب کے اس ریکیٹ میں ایک ملزم کو گرفتار کرلیا ہے۔ اسی دوران اس کے کچھ ساتھی فرار ہونے میں کامیاب ہوگئے۔
ضلع کے ٹانڈا کوتوالی کے علاقے میں مخبر کی اطلاع پر ایس ڈی ایم اور ٹانڈا دڈھیال پولیس ٹیم نے گاؤں اکبرآباد کے جنگلات میں چلنے والے شراب بھٹوں پر چھاپہ مارا۔ اس دوران پولیس نے کئی لیٹر شراب تباہ کردیئے۔ ساتھ ہی ایک کو گرفتار کر لیا۔
وہیں اس معاملے پر سی او سوار برہم پال سنگھ نے بتایا کہ 'مخبر سے اطلاع ملی کہ اکبر آباد کے جنگل میں شراب کے بھٹے چل رہے ہیں۔ جس کے بعد ایکسائز ٹیم نے میرے ساتھ دو بھٹیوں پر چھاپہ مارا۔ اس دوران ایک نوجوان کو بھی گرفتار کیا گیا ہے۔
