بریلی میں لاک ڈاؤن کی قواعد پرعمل کرانے گئی پولیس اور مقامی لوگوں کے مابین زبردست ٹکراؤ ہو گیا۔ دراصل چیتا موبائل کے دوکانسٹیبل نے گھر کے باہر سبزی خرید رہے نوجوان کی پٹائی کر دی۔ نوجوان بےہوش ہو گیا اور زمین پر گر گیا۔
مقامی لوگ اُسے اُٹھاکر پولیس چوکی پر لے گئے۔ چونکہ وہاں مقامی لوگ کثیر تعداد میں پہنچ گئے تھے، لہذا پولیس نے ان سے گھر جانے کی اپیل کی۔
اس کے بعد جب ہجوم بے قابو ہونے لگا تو پولیس نے زبردست لاٹھی چارج کیا۔ حالات بےقابو ہو گئے۔ مقامی لوگوں اور پولیس کے مابین جم کر تصادم ہوا، جس میں پولیس کے اے ایس پی ابھیشیک ورما زخمی ہو گئے۔
بریلی پولیس نے بے قابو ہجوم پر لاٹھی چارج کر دیا۔ اس دوران پولیس کو جو شخص جہاں ملا، اس کی وہیں پٹائی ہوئی۔
بزرگ، بچّے اور نوجوانوں پر پولیس نے جم کر لاٹھیاں برسائیں۔ پولیس چوکی پر اپنی ناراضگی کا مظاہرہ کرنے والے تقریباً تین درجن سے زائد افراد کو پولیس نے گرفتار کر لیا ہے۔ ان کے خلاف سنگین دفعات میں مقدمہ درج کیا گیا ہے۔
