ریاست اترپردیش کے شہر بارہ بنکی میں عوام کو ماسک اور ہیلمیٹ پہننے کی پابندی کے لیے پولیس نے خصوصی چالان مہم شروع کی ہے۔
ضلع کے تمام تھانوں میں یہ خصوصی مہم چلائی جا رہی ہے، اس کے تحت بغیر ماسک اور ہیلمیٹ نہ پہننے والے افراد کا چالان کیا جارہا ہے، تاکہ عوام ان دونوں چیزوں کے لیے پابندعہد ہو سکے۔
پولیس سپریٹینڈنٹ ڈاکٹر اروند چترویدی نے بتایا کہ مہلک وبا کورونا وائرس کے پیش نظر ماسک کے استعمال کو لازمی کیا گیا ہے۔
اس لیے ماسک نہ لگانے پر پہلی دفعہ سو روپے دوسری دفعہ دو سو روپے اور تیسری بار پانچ سو رپے جرمانہ لگایا جائے گا۔
انہوں نے بتایا کہ نئے قوانین کے تحت چالان تو سب انسپیکٹر کرسکتا ہے، لیکن جرمانہ لگانے کا حق انسپیکٹر رینک کے افسر کو ہی ہوگا۔
اس لیے تحقیقاتی سیل کے تمام داروغہ کو لگایا گیا ہے، تاکہ زیادہ سے زیادہ اس پر عمل کرایا جاسکے، اور عوام کو ماسک اور ہیلمیٹ پہننے کے لیے پابند کیا جاسکے۔
