Fake Ghee Making Factory نقلی گھی بنانے کی فیکٹری کا انکشاف

وئیڈا میں اسپیشل ٹاسک فورس اور فوڈ سیکیورٹی ڈیپارٹمنٹ کی ٹیم نے چھاپہ مار کر نقلی دیسی گھی بنانے والی فیکٹری سے جعلی دیسی گھی کے 20 ڈبوں کو برآمد کیا ہے۔ اس دوران موقع پر کام کرنے والے 4 افراد کو حراست میں لے لیا گیا ہے۔ الزام ہے کہ لوگ مختلف معروف کمپنیوں کے لیبل لگا کر مارکیٹ میں نقلی گھی فروخت کرتے تھے۔ یہ کارروائی تھانہ ایکسپریس وے میں ہوئی ہے۔Fake Ghee Making Factory In Noida

نوئیڈا:ریاست اترپردیس کے نوئیڈا کے واجد پور گاؤں میں پولیس نے خصوصی چھاپہ ماری کے درمیان نقلی گھی بنانے والی ایک فیکٹری کا پردہ فاش کیا ہے۔اس معاملے میں متعدد لوگوں کی گرفتاری عمل میں آئی ہے۔ نوئیڈا کے ایس ٹی ایف افسر کلدیپ نارائن نے بتایا کہ اطلاع کی بنیاد پر ایس ٹی ایف، فوڈ سیکورٹی ڈیپارٹمنٹ اور نوئیڈا پولیس کی مشترکہ ٹیم نے دیر رات واجد پور گاؤں میں چھاپہ مارا۔ جہاں وکاس اگروال، دیپک وغیرہ گلی نمبر 24 کے اندر سندیپ چوہان کے گھر میں غیر قانونی طور پر دیسی گھی بنانے کا کارخانہ چلا رہے تھے۔

240 کلو نقلی گھی برآمد:
کلدیپ نارائن نے بتایا کہ فیکٹری چلانے کا کوئی لائسنس نہیں تھا۔ فیکٹری سے گھی کے 20 کارٹون برآمد ہوئے ہیں۔ ہر ڈبے میں 1 کلو کے 12 ڈبے تھے۔ 500 سے 800 کے درمیان ایک ڈبہ فروخت کرتا تھا۔ ملزمان ونسپتی گھی میں کیمیکل اور ریفائن ملا کر دیسی گھی تیار کرتے ہیں۔ تقریباً 240 کلو نقلی گھی ضبط کیا گیا ہے۔

اس کے ساتھ پگھلانے والی مشین اور جعلی گھی بنانے کا سامان سمیت دیگر سامان برآمد کر لیا گیا ہے۔وقاص نے بتایا کہ دو سو روپے لاگت آتی تھی اور اسے ہم اچھی قیمت پر خالص گھی کے نام پر فروخت کرتے تھے۔ فوڈ سیکورٹی ڈپارٹمنٹ نے کم سے کم تین سے چار لاکھ روپے کا سامان ضبط کیا ہے۔