ریاست اتر پردیش کے سہارنپور میں پولیس نے انٹر نیٹ کالنگ کے ذریعہ 20 لاکھ روپے کی رنگ داری مانگنے والے تین ملزمین کو گرفتار کیا ہے۔ دراصل قصبہ سرساوہ کے رہنے والے اشوک کمار ولد کشمیری لال ساکن کساوان نے گزشتہ 9 اکتوبر کو نامعلوم افراد کے ذریعہ انٹر نیٹ کالنگ کے ذریعہ 20 لاکھ روپے کی رنگ داری مانگنے کا مقدمہ درج کرایا تھا۔
معاملے کو سنجیدگی سے لیتے ہوئے سرساوہ پولیس نے ایک ٹیم تشکیل دی۔ ایس پی دیہات اور سی او نکوڑ کی قیادت میں تھانہ سرساوہ پولیس اور کرائم برانچ کی مشترکہ ٹیم کی کوششوں سے رنگ داری مانگنے والے شاطر ملزمان راہل رانا ولد آش کرن ساکن گاؤں رائے پور، امت کمار ساکن گاؤں سونا ارجن پور سمیت تین کو گرفتار کر لیا گیا۔
یہ بھی پڑھیں: Lucknow Encounter: کامران کا سیاسی قتل ہوا، اہل خانہ کا الزام
پولیس نے ملزمان کو مختلف کمپنیوں کے موبائل فون، موٹر سائیکل، دو طمنچے، چار زندہ کارتوس سمیت گرفتار کر لیا۔ گرفتار کئے گئے ملزمان کو جیل بھیج دیا گیا ہے۔
