اترپردیش کے ضلع سہارنپور میں گزشتہ روز ایک سیلزمین کے ساتھ ہوئے لوٹ کے واردات کو آج سہارنپور کرائم برانچ نے انکشاف کرتے ہوئے چار ملزمین کو گرفتار کرلیا ہے۔ پولیس کو ملزمین سے لوٹ کے سامان کے ساتھ موٹر سائیکل اور غیر قانونی اسلحہ برآمد ہوئے ہیں۔
اطلاعات کے مطابق نتن ولد رویندر سنگھ کروندی میں واقع ایک انگریزی شراب کی دکان میں سیلزمین کا کام کرتا تھا، 16 اگست کو نتن دکان بند کر کے اپنے گھر لکھنوتی جارہا تھا، اسی دوران پیچھے سے آرہا ایک موٹرسائیکل سوار نے نتن کے کندھے سے اس کا بیگ چھین لیا، جس میں نقدی سمیت دیگر کئی ضروری دستاویزات موجود تھے، جب نتن نے اس کی مخالفت کی تو شرپسندوں نے اسے گولی مار دی اور بیگ لے کر فرار ہوگئے۔
مزید پڑھیں:
معاملے کے روشنی میں آتے ہی سہارنپور کوتوالی پولیس اور کرائم برانچ حرکت میں آئی اور شرپسندوں کی گرفتاری کے لیے تحقیقات شروع کردی۔ جس کے بعد آج پولیس نے اس معاملے میں چار بدمعاشوں کو کو گرفتار کیا ہے اور ان کے قبضے سے لوٹ کی موٹر سائیکل اور غیر قانونی اسلحہ، کارتوس برآمد کئے ہیں۔
