سہارنپور: لوٹ کی واردات انجام دینے والے بدمعاش گرفتار

پولیس کے مطابق ان لٹیروں نے دو روز قبل ایک معمر خاتون کے ساتھ بھی لوٹ پاٹ کی تھی۔ اس سے قبل بھی ان لٹیروں نے چوری کی مختلف وارداتیں انجام دی ہیں۔

ریاست اتر پردیش کے سہارنپور میں پولیس نے لوٹ کی واردات کو انجام دینے والے بدمعاشوں کو گرفتار کرنے کا دعویٰ کیا ہے، ساتھ ہی نقدی اور موبائل فون برآمد بھی برآمد کیا گیا ہے۔

بتایا جاتا ہے کہ یہ بدمعاش ضلع میں روزانہ لوٹ کی واردات کو انجام دیتے تھے۔ گذشتہ کئی دنوں سے لوٹ کی مختلف وارداتیں ضلع میں سامنے آرہی تھیں۔ پولیس نے اس معاملے میں دو بدمعاشوں کو گرفتار کیا ہے۔

واضح رہے کہ ان لیٹروں نے دو روز قبل ایک عمر رسیدہ خاتون سے لوٹ مار کی تھی، ایس پی سٹی راجیش کمار نے اس کا انکشاف کیا ہے۔

دونوں ملزم پر الزام ہے کہ یہ بدمعاش ایک عرصے سے شہر میں لوٹ کی وارداتیں انجام دے رہے تھے۔