ضلع گوتم بدھ نگر نوئیڈا میں کورونا وائرس کے بڑھتے انفیکشن کو روکنے کے لئے ضلعی پولیس کافی سخت قدم اٹھا رہی ہے۔ آگاہی کے ساتھ احتیاطی تدابیر پر عمل کرانے کے لئے پولیس فعال کردار ادا کر رہی ہے۔
سماجی فاصلہ اور ماسک نہ لگانے پر پولیس کی کاروائی
گوتم بدھ نگر پولیس مختلف شاہراہوں، بازاروں اور بھیڑ بھاڑ والے مقامات پر چیکنگ بھی کر رہی ہے۔ کاروائی کے تحت تھانہ سیکٹر 24 کی پولیس نے 87 افراد کا ماسک نہ لگانے پر چالان کیا ہے۔
وہیں تھانہ بدلا پور میں مہم کے دوران ماسک نہ لگانے پر 189 افراد کا چالان کر کے مجموعی طور پر 18900 روپے کا جرمانہ حاصل کیا۔ جبکہ 3 بس اور 10 ایکو کاروں کو سوشل ڈیسٹینسنگ پر عمل نہ کرنے کی پاداش میں سیز کر دیا گیا۔ دریں اثنا 85 گاڑیوں کا ایم بی ایکٹ کے تحت چالان کیا گیا۔
