رواں ماہ 25 نومبر کو وزیر اعظم نریندر مودی اور وزیر اعلیٰ یوگی آدتیہ ناتھ اتر پردیش کے نوئیڈا میں واقع جیور ہوائی اڈے کا سنگ بنیاد رکھیں گے۔ نریندر مودی سے تاریخ ملنے کے بعد ضلع کے اعلیٰ عہدیدار جیور ایرپورٹ کے مقام پر پہنچ گئے ہیں۔
اس موقع پر گوتم بدھ نگر پولیس کمشنر آلوک سنگھ، ڈی ایم سوہاس ایل وائی، جیور کے رکن اسمبلی دھیریندر سنگھ، یمنا اتھارٹی کے سی ای او ڈاکٹر ارون ویر سنگھ، لو کمار اور سریندر بھاٹیہ سمیت کئی افسران موجود ہیں۔رنہیرا گاؤں کے قریب ایک پولیس چوکی ہے۔ ایک بڑا میدان دستیاب ہے۔ جس میں جلسہ عام کا اہتمام کیا جا سکتا ہے۔
پارکنگ کا اچھا انتظام ہو سکتا ہے۔ اس کے علاوہ وزیر اعظم اور وزیر اعلیٰ کے ہیلی کاپٹر بھی یہاں بہت آسانی سے اتر سکتے ہیں۔یہاں سے ہیلی کاپٹر ٹیک آف کر سکتے ہیں۔ یہیں سنگ بنیاد رکھنے کا پروگرام منعقد کیا جائے گا۔واضح رہے کہ تقریباً 3 ماہ قبل پولیس کمشنر آلوک سنگھ اور یمنا اتھارٹی کے سی ای او ارون ویر سنگھ نے بھی جائے وقوعہ کا دورہ کیا تھا۔
جیور ہوائی اڈے کا سنگ بنیاد رکھنا نہ صرف نوئیڈا یا اتر پردیش بلکہ پورے ملک کے لیے ایک تاریخی لمحہ ہوگا۔ایسا دعویٰ ہے کہ یہ ہوائی اڈہ نہ صرف بھارتی بلکہ ایشیا کا سب سے بڑا ہوائی اڈہ ہوگا۔
اس کے علاوہ دنیا کے چوتھے بڑے ہوائی اڈے کا نام نوئیڈا انٹرنیشنل ایئرپورٹ رکھا جائے گا۔
یہ بھی پڑھیں: نوئیڈا: نالے سے لاش برآمد، قتل کا اندیشہ
وزیر اعظم مودی سے تاریخ ملنے کے بعد یمنا اتھارٹی اور اتر پردیش حکومت میں ہلچل مچ گئی ہے۔تمام عہدیداروں نے 25 نومبر کی تیاری شروع کردی ہے۔
واضح رہے کہ جیور ہوائی اڈے کی جگہ پر گزشتہ دو ماہ سے کام چل رہا ہے۔جیور ہوائی اڈے کی جگہ کے چاروں طرف باؤنڈری وال لگائی جا رہی ہے۔ جیور انٹرنیشنل ایئرپورٹ 5,845 ہیکٹر اراضی پر تعمیر کیا جائے گا۔
