پودے انسانی زندگی کے لیے اہم کیوں؟

پانچ جون کو ہر برس پوری دنیا میں عالمی یوم ماحولیات منایا جاتا ہے۔ ماحولیات کے تحفظ کے لئے سماجی کارکن اور سیاسی رہنما پودے لگانے پر زور دیتے ہیں اور عوام سے اپیل کرتے ہیں کہ زیادہ سے زیادہ پودے لگائیں۔

کیا آپ کو معلوم ہے کہ پودے نہ صرف ماحولیات کے تحفظ میں اہم کردار ادا کرتے ہیں بلکہ انسانی زندگی کو لاحق بیماریوں سے بھی بچاتے ہیں۔

بنارس کے رہنے والے جوکھو رام ایک پارک میں مالی کا کام کرتے ہیں انہوں نے بتایا کہ مختلف انواع و اقسام کے پودے نہ صرف فضا کو خوشگوار بناتے ہیں بلکہ انسانی زندگی کو لاحق خطرات و بیماری کی علاج کے لیے بھی استعمال کیے جاتے ہیں۔

انہوں نے بتایا کہ ہمارے یہاں آیورویدک پودے ہیں جسے اشوگندھا، لیمن گراس، اجوائن، لیلی مجنوں، ان پودوں سے آیوروید کی دوا بنتی ہے۔

انہوں نے کہا کہ قدیم زمانے میں لوگ انہیں پودوں کو استعمال کر کے علاج کرتے تھے لیکن سب سے اہم بات یہ ہے کہ اس ان پودوں کے بارے میں معلومات حاصل کرنا۔

انہوں نے مزید بتایا کہ ان پودوں میں نامردی جیسی بیماریوں سے لے کر کینسر جیسی خطرناک بیماریوں تک کاعلاج موجود ہے۔